|
In Bernte wahn, t’is
lang all her,
Ick weet sein Namen nich
recht mehr,
Een Dokter, de bolt Dag
und Nacht
Sick up sein Praxis
afmarach,
Doch nun kam ick all up
sein Nam,
He heet
Cirurgus Bullerjahn.
De muß noch eenen
Abends lat,
Denn da tomal gewt noch
kein Straat,
In deepen Schiet na
Mooriem fohren,
Denn dor schull noch wat
Lüttks upstan.
Man unnerwegs, dat röppt
‚n Mann:
„Herr Dokter, hollen
S’ eben an,
Ick bitt Ehr kamen S’
to mie Fro,
De kellt de ganzen
Glieder so.“
„Nee,“ seggt de
Dokter, „hew kein Tied,
Na
Huntrup is dat veels to wiet,
Ick mutt glieks hen nah
een Geburt;
Man wenn dat nich to
lange durt,
Dat S’mi dat utenanner
sett,
Denn schriew ick glicks
hier een Rezept.“
Dat däh de Mann nu tämlich
rasch,
De Dokter söch denn in
sein Tasch,
Um gau’n Stück Popier
to kriegen
Und dat Rezept dorup to
schriewen.
So kramt he in sein
Mantel rum
Und find van’t
Ministerium
Son ohlen Breef, de nix
mehr weert,
und schriewt Rezept denn
up’t Couvert.
„So, “ seggt he ,
So, dat bruken S’man,
Und nu Johann man fix
voran!“
Dabi röppt he van
achtern her:
„Und morgen kam ick bi
Ehr vör.“
Den annern dag käm
Bullerjahn
Nu richtig ok in Huntorp
an.
„Nah,“ fragt he ,
„na, wo ist denn wurn,
Hett sick de Gliederpien
verlurn,
Und hewt Se fliedig mien
Rezept
Bruckt, as ick dat hew güstern
seggt?“
„Wi hewt us,“ seggt
de Mann, „bemueht,
Man hulpen hätt dat
nich’nen Fleut,
Van dat Popier hew’k,
as Se säen,
Ehr alle Stunn en Stück
ingewen,
Man dat sät sa ’n
Siegel unner,
Und dat kreg se partu
nich runner,
Villicht hätt dat ok
daran legen,
Dat sick den Fewers ganz
nich gewen.“
De Dokter lacht hellut
un seggt:
„Nee , damit käm se
ok nicht’recht
Harr se dat Siegel mit
upfreeten,
Dat harr ehr nützt ok
nich nen beten.
Denn is so’n Minsch
eenmal to dumm
Helpt ok kein Lack
van’t Ministerium.“ |
|